ისტორიული არჩევანი - საფრანგეთის მომავალი პრეზიდენტი 39 წლის ემანუელ მაკრონი იქნება

ისტორიული არჩევანი - საფრანგეთის მომავალი პრეზიდენტი 39 წლის ემანუელ მაკრონი იქნება

მოძრაობა "წინ!" ლიდერი, ემანუელ მაკრონი საფრანგეთის პრეზიდენტად აირჩიეს,-ამის შესახებ ინფორმაციას BFMTV ავრცელებს.

Elabe-ს ინსტიტუტის მიერ ჩატარებული ეგზიტპოლების შედეგებით, მან ხმების 65.9% დააგროვა, ხოლო მისმა მოწინააღმდეგე, პარტია „ეროვნული ფრონტის“ ლიდერმა, მარინ ლე პენმა- 34.1%. თუმცა, ამომრჩეველთა დაახლოებით 25.8%-ს არჩევნებში მონაწილეობა არ მიუღია.

ემანუელ მაკრონი საფრანგეთის ყველაზე ახალგაზრდა პრეზიდენტი გახდება. საფრანგეთის მომავალი პრეზიდენტი ინაუგურაციისას 39 წლის იქნება. აღსანიშნავია, რომ საფრანგეთის პრეზიდენტმა ფრანსუა ოლანდმა ემანუელ მაკრონს არჩევნებში გამარჯვება ერთ-ერთმა პირველმა მიულოცა. როგორც მან აღნიშნა, არჩევნების შედეგები მიუთითებს, რომ ფრანგების უმრავლესობას გაერთიანება სურს.

მაკრონის მთავარმა კონკურენტმა, "ეროვნული ფრონტის" ლიდერმა, მარინ ლე პენმა დამარცხება უკვე აღიარა.

"საფრანგეთში ახალი პრეზიდენტი და მუდმივობა აირჩიეს“, - განაცხადა ლე პენმა მხარდამჭერებთან. Bloomberg-ის ცნობით, მან ასევე დასძინა: "წარმატებას ვუსურვებ, გზად დიდი გამოცდაა".

ლე პენის განცხადებით, იგი ემანუელ მაკრონს პირადად დაუკავშირდა და არჩევნებში გამარჯვება მიულოცა.

გამოცემა Daily Mail-ის ცნობით, ლე პენმა არჩევნებში დამარცხება ეგზიტპოლის შედეგების გამოცხადებიდან მხოლოდ 15 წუთის შემდეგ აღიარა. მარინ ლე პენმა უკვე დასძინა, რომ მისი პარტია მომავალი საპარლამენტო არჩევნებისთვის ემზადება.

მისი თქმით, "ეროვნული ფრონტი" ივნისში დაგეგმილი საპარლამენტო არჩევნებისთვის უნდა გადახალისდეს და ახალი პოლიტიკური ძალა გახდეს.

BFMTV-ის ცნობით, მაკრონმა და ლე პენმა ადგილობრივი დროით 20:00 საათზე, ანუ, როდესაც ეგზიტპოლების პირველი მონაცემები გამოქვეყნდა, ტელეფონით ისაუბრეს.

ევროპაში მაკრონს გამარჯვებას ულოცავენ. ბრიტანეთის პრემიერმინისტრი, ტერეზა მეი ერთ-ერთი პირველი იყო, ვინც მას წარმატება მიულოცა. გერმანიის კანცლერის პრესმდივანმა, შტეფენ ზაიბერტმა ცენტრისტ მაკრონს არჩევნებში გამარჯვება მიულოცა და განაცხადა, რომ საფრანგეთის არჩევნების შედეგი- "ძლიერი, გაერთიანებული ევროპის გამარჯვებაა".

OPCW-ის მისიამ სირიაში სავარაუდო თავდასხმის თაობაზე ''ნიმუშები'' აიღო

OPCW-ის მისიამ სირიაში სავარაუდო თავდასხმის თაობაზე ''ნიმუშები'' აიღო

5 საათის წინ

"OPCW-ი შეაფასებს სიტუაციას და განიხილავს სამომავლო ნაბიჯებს, მათ შორის დუმაში მორიგი ვიზიტის შესახებ", - ნათქვამია განცხადებაში. სირიის ქალაქში ამოღებული ნიმუშები ნორვეგიაში OPCW-ის ლაბორატორიაში გაიგზავნება და შემდეგ ორგანიზაციის...

USD 2.4402
EUR 3.0017
GBP 3.4343
TRY 0.6036