პრემიერმინისტრი უკრაინის საგარეო საქმეთა მინისტრს შეხვდა

პრემიერმინისტრი უკრაინის საგარეო საქმეთა მინისტრს შეხვდა

საქართველოს პრემიერმინისტრი გიორგი კვირიკაშვილი უკრაინის საგარეო საქმეთა მინისტრს, პავლო კლიმკინს შეხვდა.

მხარეებმა საქართველო-უკრაინას შორის არსებული პარტნიორული ურთიერთობები განიხილეს და ხაზი გაუსვეს სექტორული თანამშრომლობის გააქტიურების აუცილებლობას. 

ყურადღება გამახვილდა ვაჭრობის, ეკონომიკის, ენერგეტიკის, სოფლის მეურნეობის, კულტურის, ინფრასტრუქტურის სფეროებში არსებულ პოტენციალზე. 

შეხვედრაზე ხაზგასმით აღინიშნა, რომ უკრაინასა და საქართველოს საერთო საგარეო-პოლიტიკური პრიორიტეტი გააჩნია–ევროპული და ევროატლანტიკური ინტეგრაცია. მხარეებმა შეაფასეს ამ მიმართულებით მიღწეული წარმატება. საუბარი შეეხო საქართველოს მოქალაქეებისთვის შენგენის სივრცეში უვიზო მიმოსვლის ამოქმედებას და უკრაინასთან მიმართებაში ევროპარლამენტის გადაწყვეტილების მნიშვნელობას. 

მხარეებმა გამოთქვეს მზადყოფნა, აქტიურად ითანაშრომლონ გამოცდილების გაზიარების მიმართულებით.

შეხვედრაზე საუბარი შეეხო საქართველოსა და უკრაინას შორის დიპლომატიური ურთიერთობების აღდგენის 25-ე წლისთავთან დაკავშირებით გაფორმებული დეკლარაციის მნიშვნელობას, სადაც აღნიშნულია ორი ქვეყნის დამოუკიდებლობის აღდგენის შემდეგ საქართველოსა და უკრაინას შორის არსებული წარმატებული თანამშრომლობა პოლიტიკის, თავდაცვის, ეკონომიკის, ჰუმანიტარულ, სამართლებრივ და სხვა სფეროებში.

მხარეებმა განიხილეს რეგიონში არსებულ გამოწვევები და საქართველოსა და უკრაინის ოკუპირებულ ტერიტორიებზე შექმნილი ვითარება. 

საქართველოს მთავრობის ადმინისტრაციაში გამართულ შეხვედრას საგარეო საქმეთა მინისტრი მიხეილ ჯანელიძე, პრემიერ–მინისტრის მრჩეველი საერთაშორისო ურთიერთობების საკითხებში თედო ჯაფარიძე, საქართველოს სრულუფლებიანი ელჩი უკრაინაში მიხეილ უკლება დაესწრნენ.

ირაკლი კობახიძე: დემოკრატიის თვალსაზრისით წინსვლას ვაგრძელებთ

ირაკლი კობახიძე: დემოკრატიის თვალსაზრისით წინსვლას ვაგრძელებთ

32 წუთის წინ

"ასევე, ვითარდება ჩვენი ქვეყნის ეკონომიკა და ესეც არის რა თქმა უნდა, თითოეული ჩვენგანის დამსახურება. ჩვენ გვქონდა გასულ წელს ეკონომიკური ზრდის ერთ-ერთი ყველაზე მაღალი მაჩვენებელი რეგიონის ქვეყნებს შორის, რაც არის ძალიან...

USD 2.4402
EUR 3.0017
GBP 3.4343
TRY 0.6036