გამგებლისა და მერის რიგგარეშე არჩევნების დანიშვნას ცესკო პრეზიდენტის ნაცვლად თავად ითხოვს

გამგებლისა და მერის რიგგარეშე არჩევნების დანიშვნას ცესკო პრეზიდენტის ნაცვლად თავად ითხოვს

გამგებლისა და მერის რიგგარეშე არჩევნების დანიშვნის/გამართვის ვადა და წესი შესაძლოა შეიცვალოს.

ცენტრალურმა საარჩევნო კომისიამ პარლამენტში შესაბამისი საკანონმდებლო წინადადება წარმოადგინა. 

ცვლილებას „ადგილობრივი თვითმმართველობის კოდექსი“ ითვალისწინებს. 

მოქმედი კანონით, გამგებლის/მერის უფლებამოსილების ვადამდე შეწყვეტის შემთხვევაში რიგგარეშე არჩევნები ინიშნება საქართველოს პრეზიდენტის მიერ, პრემიერმინისტრის კონტრასიგნაციით, გამგებლის/მერის უფლებამოსილების შეწყვეტიდან არაუადრეს 9 და არაუგვიანეს 11 დღისა და იმართება გამგებლის/მერის უფლებამოსილების შეწყვეტიდან არაუგვიანეს 50 დღისა. იმ შემთხვევაში თუ, გამგებლის/მერის უფლებამოსილების შეწყვეტისას ადგილობრივი თვითმმართველობის ორგანოების არჩევნებამდე დარჩენილია 1 წელზე ნაკლები, გამგებლის/მერის რიგგარეშე არჩევნები არ იმართება. 

წარმოდგენილი ცვლილების თანახმად კი, 15 თებერვლიდან 15 ივლისამდე გამგებლის/მერის უფლებამოსილების ვადამდე შეწყვეტის შემთხვევაში რიგგარეშე არჩევნები გაიმართება იმავე წლის ოქტომბერში, 15 ივლისიდან 15 თებერვლამდე უფლებამოსილების ვადამდე შეწყვეტისას - უახლოეს აპრილში. 

გამგებლის/მერის რიგგარეშე არჩევნები გაიმართება არჩევნების დანიშვნიდან არაუგვიანეს 50-ე დღისა. 

გამგებლის/მერის რიგგარეშე არჩევნები არ ჩატარდება მხოლოდ შესაბამისი არჩევნების წელს. 

გარდა ამისა, ცესკო ითხოვს, რომ მერისა და გამგებელის რიგგარეშე არჩევნები პრეზიდენტის ნაცვლად, დაინიშნოს ცენტრალური საარჩევნო კომისიის განკარგულებით. 

ირაკლი კობახიძე: ჩვენი პარტია არის ძლიერი

ირაკლი კობახიძე: ჩვენი პარტია არის ძლიერი

9 წუთის წინ

მისი თქმით, 2012 წლის გარდატეხის ერთ-ერთი უმთავრესი მიღწევა იყო დემოკრატია.  ირაკლი კობახიძის განცხადებით, პრიორიტეტია ეკონომიკის განვითარება და ეკონომიკის სწრაფი ტემპით განვითარებისთვის ბევრი რამ კეთდება. მისი თქმით, ყველაფერი კეთდება...

USD 2.4402
EUR 3.0017
GBP 3.4343
TRY 0.6036