უკრაინის თავდაცვის უწყება: დონბასის ტერიტორიის სრულ განაღმვას 10-15 წელი დასჭირდება

უკრაინის თავდაცვის უწყება: დონბასის ტერიტორიის სრულ განაღმვას 10-15 წელი დასჭირდება

დონბასის ტერიტორიის ასაფეთქებელი მოწყობილობებისგან სრულ გაწმენდას დაახლოებით 10-15 წელი დასჭირდება,-ამის შესახებ ინფორმაციას უკრაინის თავდაცვის სამინისტროს პრესსამსახური ავრცელებს.

"წინასწარი მონაცემებით, ფართობი დაახლოებით 700 ჰექტარია“,-ნათქვამია განცხადებაში.

განაღმივითი სამუშაოს საკოორდინაციო ჯგუფის ხელმძღვანელის სერგეი ზუბარევსკოვოს განცხადებით, ყველაზე სახიფათო ზონა საკონტაქტო ხაზთანაა. მისი თქმით, სამი წლის განმავლობაში აღმოსავლეთ უკრაინაში საბრძოლო მასალის ამოქმედების შედეგად 42 ბავშვი დაიღუპა და 109 დაშავდა.

უკრაინის თავდაცვის სამინისტროს პრესსამსახურის ცნობით, განაღმვითი სამუშაოს დროს 3 ათას ჰექტარ ფართობზე დაახლოებით 150 ათასი ასაფეთქებელი მოწყობილობა ამოიღეს და გაანადგურეს.

20 აპრილს, უკრაინის პრეზიდენტმა პეტრო პოროშენკომ ბრიტანულ ტელეარხ Sky News-ისთვის მიცემულ ინტერვიუში განაცხადა, რომ დონბასში "რეალური მწვავე ომი"მიმდინარეობს და არა "გაყინული კონფლიქტი". 

უკრაინის პრეზიდენტის ცნობით, დონბასში სამხედრო კონფლიქტის შედეგად 69 უკრაინელი სამხედრო დაიღუპა და 420-ზე მეტი დაშავდა. "ეს არის გაყინული კონფლიქტი? ეს ნამდვილი ცხარე ომია ", - განაცხადა პოროშენკომ.

მან ასევე დასძინა, რომ "ოკუპირებული უკრაინის ტერიტორიაზე 700-ზე მეტი რუსული ტანკი, 1,250 მეტი საარტილერიო სისტემა, 300-ზე მეტი სხვადასხვა ტიპის სარაკეტო გაშვების სისტემაა" განლაგებული.

უკრაინის ლიდერმა ასევე განაცხადა, რომ რუსეთზე ზეწოლა უნდა გაგრძელდეს. პოროშენკომ საერთაშორისო საზოგადოებას ანტი-რუსული სანქციების მექანიზმის შენარჩუნებისკენ მოუწოდა. უკრაინის პრეზიდენტის თქმით, რუსეთის ლიდერი სანქციების გამო "მაღალ ფასს" იხდის.

სომხეთის პრეზიდენტი: შეგვიძლია ყველა პრობლემა დიალოგის გზით გადავჭრათ

სომხეთის პრეზიდენტი: შეგვიძლია ყველა პრობლემა დიალოგის გზით გადავჭრათ

2 წუთის წინ

"ჩვენ შეგვიძლია ყველა პრობლემა მოლაპარაკებების, დიალოგის, გადაწყვეტილებების ძიების გზით გადავჭრათ. ეჭვი არავის არ უნდა ეპარებოდეს, რომ მიუხედავად დღევანდელი და გუშინდელი პრობლემებისა, ჩვენ უნდა გავერთიანდეთ ", - განაცხადა სომხეთის...

USD 2.4402
EUR 3.0017
GBP 3.4343
TRY 0.6036