საქართველოს ეროვნული საფეხბურთო ნაკრების მთავარი მწვრთნელი, ვლადიმირ ვაისი აცხადებს, რომ იმ 11 ფეხბურთელიდან, რომელიც დღეს სერბეთის წინააღმდეგ მინდორზე გამოვიდა, მისი დავალება მხოლოდ 6-მა ფეხბურთელმა შეასრულა და ითამაშა ისე, როგორც შეეძლო, დანარჩენებმა კი ცუდად ითამაშეს.

„სამწუხაროდ, ისტორია მეორდება. ვუშვებთ იდენტურ შეცდომებს. ვერ ვიყენებთ ხელსაყრელ მომენტებს. 1:0-ზე ყაზაიშვილს რომ გაეტანა, სულ სხვა თამაში წავიდოდა. სერბეთმა მეორე ტაიმში კლასი გამოავლინა. სამჯერ დაარტყეს და სამივე გაიტანეს. ჩვენც გვქონდა მომენტები, მაგრამ ვეღარ გავუწიეთ წინააღმდეგობა. ფეხბურთელებმა ვერ აჩვენეს ის, რაც შეუძლიათ. 6 მოთამაშებ ითამაშა ისე, როგორც შეუძლია. 5-მა კი - ვერა. ასე შეუძლებელია კარგი გუნდის შექმნა და მოგება“, - განაცხადა ვაისმა.

საქართველოს ნაკრებმა, მსოფლიოს 2018 წლის ჩემპიონატის საკვალიფიკაციო ეტაპის მორიგი შეხვედრა, სერბეთთან, შინ 1:3 წააგო და ამ დრომდე მოუგებელია.