როგორ აიძულებდნენ "ნაციონალები" ზაზა ოქუაშვილს, რომ ტელეკომპანია "იბერია" და ბიზნესწილები დაეთმო - მოწმის სკანდალური ჩვენება

ადმინისტრატორი

„თავად ვესწრებოდი იმ შეხვედრებს, სადაც ბიზნესმენემა ბადრი პატარკაციშვილმა ზაზა ოქუაშვილის მფლობელობაში არსებული კომპანიების 51 პროცენტის, ანუ საკონტროლო პაკეტის დათმობა და, ასევე, ტელეკომპანია „იბერიას“ დახურვა მოითხოვა,“ - ამის შესახებ თბილისის საქალაქო სასამართლოში ტელეკომპანია „იბერიას“ დახურვისა და ლიცენზიის იძულებით ჩამორთმევის მორიგ სასამართლო პროცესზე ბრალდების ერთ-ერთმა მთავარმა მოწმემ, ბესარიონ კეიდიამ განაცხადა.

მისივე თქმით, ამ შეხვედრას ვანო ჩხარტიშვილი და დავით ბეჟუაშვილიც ესწრებოდნენ. როგორც კეიდიამ სასამართლოზე აღნიშნა, ბადრი პატარკაციშვილმა ზაზა ოქუაშვილს გააცნო პრეზიდენტ მიხეილ სააკაშვილის მოთხოვნა, რომ მას სახელმწიფო ბიუჯეტში უნდა შეეტანა 4 მილიონი და აგრეთვე, გაეჩერებინა ტელეკომპანია „იბერია“.

„შეთანხმება აღარ შედგა, რადგან ზაზა ოქუაშვილი ფეხს ითრევდა და ამბობდა, ქონებას მართმევენ, მაყაჩაღებენო,“ - აღნიშნა მოწმე კეიდიამ, რომელმაც განმარტა, რომ ბადრი პატარკაციშვილის ბიზნესპარტნიორი და ახლო მეგობარი იყო. 

„ჩემი შუამავლობით ბადრი პატარკაციშვილმა ზაზა ოქუაშვილს შეუთვალა, რომ თუ კომპანიების წილებს არ დათმობდა, მას დაიჭერდნენ... ჩუბინაშვილზე გამართულ შეხევდრაზე, რომელსაც ზაზა ოქუაშვილის მეგობარი, ირაკლი ბათიაშვილი და ნოტარიუსი ნუნუ გინტურიც ესწრებოდნენ, ,,ომეგა ჯგუფის’’ ხელმძღვანელს გადავეცი ბადრი პატარკაციშვილის დანაბარები, რომელშიც საუბარი 51 %-ის კი არა, არამედ 65%-ის სასწრაფოდ დათმობაზე იყო,“ - განაცხადა მოწმე კეიდიამ

სასამართლო სხდომის შემდეგ, ჟურნალისტებთან კომენტარი პროკურორმა ემზარ გაგნიძემ გააკეთა და აღნიშნა, რომ მაშინდელი ხელისუფლება „ომეგა ჯგუფში“ შემავალ სხვადასხვა კომპანიის საკონტროლო პაკეტის ხელში ჩაგდებას ბიზნესმენ ბადრი პატარკაცშვილის შუამავლობით ცდილობდა.

„სწორედ ამ გარემოებებთან დაკავშირებით დაიკითხა ბესარიონ კეიდია, რომელმაც დადასტურა, რომ იმდროინდელი ხელისუფლების სურვილი იყო, ამ ბიზნესის 51-პროცენტიანი წილი ხელში ჩაეგდო, მაგრამ ზაზა ოქუაშვილმა საკონტროლო პაკეტი არ დათმო, რამაც ხელისუფლების გაღიზიანება გამოიწვია და 51-პრცენტიანი წილი 65 პროცენტით შეიცვალა. ამასთან, ზაზა ოქუაშვილს შეუთვალეს, რომ თუ 65 პროცენტს არ დათმობდა, მას დააკავებდნენ,“ - განაცხადა ჟურნალისტებთან საუბრისას პროკურორმა.

შეგახსენებთ: მთავარმა პროკურატურამ „ომეგა ჯგუფის“ წინააღმდეგ განხორციელებული ზეწოლის საქმეზე გამოძიება 2013 წელს დაიწყო, თუმცა ტელეკომპანია „იბერიას“ დახურვისა და სამაუწყებლო ლიცენზიის იძულებით დათმობის საქმე, რომელსაც მთავარი საგამოძიებო უწყება სამი წელი იძიებდა და , რომელზეც ბრალი ყოფილ გენერალურ პროლურორსა და იუსტიციის მინისტრს, ზურაბ ადეიშვილს, ასევე, მის ყოფილ მოადგილე გიორგი ლაცაბიძეს აქვს წაყენებული, ცალკე წარმოებად გამოიყო. ამ ხნის განმავლობაში არაერთი მოწმე დაიკითხა, გამოძებას ჩვენებები „ომეგა ჯგუფის“ და, შესაბამისად, ტელეკომპანია „იბერიას“ დამფუძნებლებმაც მისცეს. „იბერიას“ საქმე განსახილველად სასამართლოს 2016 წლის ზაფხულში გადაეცა. „ომეგა ჯგუფის“ საქმის გამძიება კი მთავარ პროკურატურაში ამ დრომდე გრძელდება.

„იბერიას“ ლიცენზია 2013 წელს მოდიფიცირებული სახით (სპეციალიზირებული/გასართობი) დაუბრუნდა. ტელევიზია ეთერში ერთი წლის წინ, საერთო მაუწყებლობით დაბრუნდა. 

„იბერიას“ დახურვისა და ლიცენზიის იძულებით ჩამორთმევის მორიგი სასამართლო პროცესი 21 აპრილს, 14:30 საათზე გაიმართება.

მსგავსი სიახლეები
ფალსიფიცირებული წამლებით მოტყუებული ადამიანები და წამლის შეთავაზების მეთოდები აფთიაქში

ფალსიფიცირებული წამლებით მოტყუებული ადამიანები და წამლის შეთავაზების მეთოდები აფთიაქში

24 მარტი, 2017

სპეციალისტებს მედიკამენტების ხარისხთან დაკავშირებით სერიოზული ეჭვი აქვთ. ფაქტები, რომ ბაზარზე ფალსიფიცირებული წამლები იყიდება, ოფიციალურად დადასტურებული არ არის, თუმცა უამრავი ადამიანი ჩივის, რომ მკურნალობას ხშირად არ...

მეტი

სოფელ ვაზისუბანში საუბნო გზების რეაბილიტაცია დასრულდა

სოფელ ვაზისუბანში საუბნო გზების რეაბილიტაცია დასრულდა

25 მარტი, 2017

საქართველოს მუნიციპალური განვითარების ფონდმა სოფელ ვაზისუბანში საუბნო გზების რეაბილიტაცია დაასრულა,- ამის შესახებ ინფორმაციას ინფრასტრუქტურის სამინისტრო ავრცელებს.  სამინისტროს ცნობით, პროექტი ევროპის საინვესტიციო...

მეტი

როგორ აიძულებდნენ "ნაციონალები" ზაზა ოქუაშვილს, რომ ტელეკომპანია "იბერია" და ბიზნესწილები დაეთმო - მოწმის სკანდალური ჩვენება

როგორ აიძულებდნენ "ნაციონალები" ზაზა ოქუაშვილს, რომ ტელეკომპანია "იბერია" და ბიზნესწილები დაეთმო - მოწმის სკანდალური ჩვენება
22:17 | 20 მარტი, 2017

მისივე თქმით, ამ შეხვედრას ვანო ჩხარტიშვილი და დავით ბეჟუაშვილიც ესწრებოდნენ. როგორც კეიდიამ სასამართლოზე აღნიშნა, ბადრი პატარკაციშვილმა ზაზა ოქუაშვილს გააცნო პრეზიდენტ მიხეილ სააკაშვილის მოთხოვნა, რომ მას სახელმწიფო ბიუჯეტში უნდა შეეტანა 4 მილიონი და აგრეთვე, გაეჩერებინა ტელეკომპანია „იბერია“.

„შეთანხმება აღარ შედგა, რადგან ზაზა ოქუაშვილი ფეხს ითრევდა და ამბობდა, ქონებას მართმევენ, მაყაჩაღებენო,“ - აღნიშნა მოწმე კეიდიამ, რომელმაც განმარტა, რომ ბადრი პატარკაციშვილის ბიზნესპარტნიორი და ახლო მეგობარი იყო. 

„ჩემი შუამავლობით ბადრი პატარკაციშვილმა ზაზა ოქუაშვილს შეუთვალა, რომ თუ კომპანიების წილებს არ დათმობდა, მას დაიჭერდნენ... ჩუბინაშვილზე გამართულ შეხევდრაზე, რომელსაც ზაზა ოქუაშვილის მეგობარი, ირაკლი ბათიაშვილი და ნოტარიუსი ნუნუ გინტურიც ესწრებოდნენ, ,,ომეგა ჯგუფის’’ ხელმძღვანელს გადავეცი ბადრი პატარკაციშვილის დანაბარები, რომელშიც საუბარი 51 %-ის კი არა, არამედ 65%-ის სასწრაფოდ დათმობაზე იყო,“ - განაცხადა მოწმე კეიდიამ

სასამართლო სხდომის შემდეგ, ჟურნალისტებთან კომენტარი პროკურორმა ემზარ გაგნიძემ გააკეთა და აღნიშნა, რომ მაშინდელი ხელისუფლება „ომეგა ჯგუფში“ შემავალ სხვადასხვა კომპანიის საკონტროლო პაკეტის ხელში ჩაგდებას ბიზნესმენ ბადრი პატარკაცშვილის შუამავლობით ცდილობდა.

„სწორედ ამ გარემოებებთან დაკავშირებით დაიკითხა ბესარიონ კეიდია, რომელმაც დადასტურა, რომ იმდროინდელი ხელისუფლების სურვილი იყო, ამ ბიზნესის 51-პროცენტიანი წილი ხელში ჩაეგდო, მაგრამ ზაზა ოქუაშვილმა საკონტროლო პაკეტი არ დათმო, რამაც ხელისუფლების გაღიზიანება გამოიწვია და 51-პრცენტიანი წილი 65 პროცენტით შეიცვალა. ამასთან, ზაზა ოქუაშვილს შეუთვალეს, რომ თუ 65 პროცენტს არ დათმობდა, მას დააკავებდნენ,“ - განაცხადა ჟურნალისტებთან საუბრისას პროკურორმა.

შეგახსენებთ: მთავარმა პროკურატურამ „ომეგა ჯგუფის“ წინააღმდეგ განხორციელებული ზეწოლის საქმეზე გამოძიება 2013 წელს დაიწყო, თუმცა ტელეკომპანია „იბერიას“ დახურვისა და სამაუწყებლო ლიცენზიის იძულებით დათმობის საქმე, რომელსაც მთავარი საგამოძიებო უწყება სამი წელი იძიებდა და , რომელზეც ბრალი ყოფილ გენერალურ პროლურორსა და იუსტიციის მინისტრს, ზურაბ ადეიშვილს, ასევე, მის ყოფილ მოადგილე გიორგი ლაცაბიძეს აქვს წაყენებული, ცალკე წარმოებად გამოიყო. ამ ხნის განმავლობაში არაერთი მოწმე დაიკითხა, გამოძებას ჩვენებები „ომეგა ჯგუფის“ და, შესაბამისად, ტელეკომპანია „იბერიას“ დამფუძნებლებმაც მისცეს. „იბერიას“ საქმე განსახილველად სასამართლოს 2016 წლის ზაფხულში გადაეცა. „ომეგა ჯგუფის“ საქმის გამძიება კი მთავარ პროკურატურაში ამ დრომდე გრძელდება.

„იბერიას“ ლიცენზია 2013 წელს მოდიფიცირებული სახით (სპეციალიზირებული/გასართობი) დაუბრუნდა. ტელევიზია ეთერში ერთი წლის წინ, საერთო მაუწყებლობით დაბრუნდა. 

„იბერიას“ დახურვისა და ლიცენზიის იძულებით ჩამორთმევის მორიგი სასამართლო პროცესი 21 აპრილს, 14:30 საათზე გაიმართება.

ავტორი: ადმინისტრატორი