"რაგბი ევროპა", საკუთარ ოფიციალურ საიტზე ეხმიანება გუშინ, რუმინეთისა და საქართველოს მორაგბეთა ნაკრებებს შორის მოხმდარ ინციდენტს და გულშემატკივარს, მოთამაშეებს, ნაკრებებსა და რაგბის კავშირებს ბოდიშს უხდის მომხდარი გაუგებრობის გამო.

"ჩვენი ეს შეცდომა ქულების თანაბარმა რაოდენობამ გამოიწვია, რაც აქამდე არასდროს მომხდარა. ბოდიშს ვუხდით ფანებს, მოთამაშეებსა და კავშირებს“, - ნათქვამია „რაგბი ევროპას“ განცხადებაში.

საქართველოს ნაკრებმა, რაგბი ევროპის ჩემპიონატის ბოლო შეხვედრა, რუმინეთთან 8:7 წააგეს. მარცხის მიუხედავად, „რაგბი ევროპამ“, ტურნირის გამარჯვებულად საქართველოს ნაკრები გამოაცხადა, მოგვიანებით კი „ბორჯღალოსნებს“ თასი ჩამოერთვათ და რუმინელებს გადაეცათ.