ხაშურში ლიტვური მხარის დაფინანსებით ახალი დასასვენებელი პარკი გაშენდება

ხაშურში ლიტვური მხარის დაფინანსებით ახალი დასასვენებელი პარკი გაშენდება

ხაშურის მუნიციპალიტეტის გამგებელი გიორგი გურასპაშვილი საქართველოში ლიტვის რესპუბლიკის სრულუფლებიან და საგანგებო ელჩ გიედრიუს პუოჯუნასს შეხვდა,- ამის შესახებ ინფორმაიას ხაშურის მუნიციპალიტეტის გამგეობა ავრცელებს. 

შეხვედრაზე განიხილეს ხაშურში, ყოფილი აგურის ქარხნის ტერიტორიაზე რეკრეაციული ზონის - პარკის გაშენების საკითხი. სტუმრებმა და მასპინძლებმა ერთად დაათვალიერეს პარკისთვის განსაზღვრული ტერიტორია, რომელიც მუნიციპალიტეტის საკუთრებაშია. 

აგურის ქარხნის ტერიტორიაზე პარკი ლიტვური მხარის ფინანსური მხარდაჭერით და ხაშურის მუნიციპალიტეტის ჩართულობით გაშენდება. ამ ეტაპზე მიმდინარეობს პროექტის ტექნიკური ნაწილის მოწესრიგება, რის შემდეგაც გაიწერება პროექტის დეტალური გეგმა და დაიწყება სამუშაოები.

პარკის გაშენების პროექტი მასშტაბურია. იგი არსებული ტერიტორიის დასუფთავებას, ლანშაფტის მოსწორებას და სრულ რეაბილიტაციას მოიცავს. შესაბამისად, პროექტის განხორციელება რამდენიმე ეტაპად მოხდება.

პროექტის დასრულების შემდგომ ხაშურელი მოსახლეობის კულტურული დასვენებისთვის ახალი კომფორტული სივრცე შეიქმნება.

შეხვედრას ესწრებოდა მუნიციპალიტეტის გამგეობის ეკონომიკური განვითარების სამსახურის უფროსი სერგო ლალიაშვილი და საელჩოსა და მუნიციპალიტეტის სხვა წარმომადგენლები. 

ბათუმში ავტოსაგზაო შემთხვევის შედეგად 30 წლამდე ქვეითად მოსიარულე დაშავდა

ბათუმში ავტოსაგზაო შემთხვევის შედეგად 30 წლამდე ქვეითად მოსიარულე დაშავდა

2 საათის წინ

 "აიპრესს" შემთხვევის ადგილზე განუცხადეს, რომ სასწრაფო დახმარების ბრიგადა დაშავებულისთვის თავად მძღოლმა გამოიძახა. სასწრაფო დახმარების ბრიგადას პაციენტი უკონტაქტო მდგომარეობაში დახვდა. მედიკოსების განმარტებით ქვეითი ნასვამ...

USD 2.4671
EUR 3.0375
GBP 3.4475
TRY 0.6517