ოზურგეთში სიმღერა-გალობის მუზეუმი აშენდება

ოზურგეთში სიმღერა-გალობის მუზეუმი აშენდება

ოზურგეთის მუნიციპალიტეტის სოფელ მაკვანეთში არტემ ერქომაიშვილის სახელობის სიმღერა-გალობის მუზეუმი აშენდება,- ამის შესახებ ინფორმაციას გურიის სახელმწიფო რწმუნებულის-გუბერნატორის ადმინისტრაცია ავრცელებს.

მუზეუმში განთავსდება საგამოფენო ექსპონატები და საგალობლების ფონდ-საცავი, რომლის თანამედროვე ტექნოლოგიებით აღჭურვას უზრუნველყოფს ფონდი „ქართული გალობა“, პროექტი კი თემთა მუნიციპალიტეტის დაფინანსებით განხორციელდება.

ამ საკითხებთან დაკავშირებით გურიის სამხარეო ადმინისტრაციაში არტემ ერქომაიშვილის სახელობის საქველმოქმედო ფონდის დამფუძნებელთა კრებაზე იმსჯელეს, რომელსაც დაესწრნენ ფონდ „ქართული გალობისა“ და ფოლკლორის წარმომადგენლები, შემოქმედელი მიტროპოლიტი იოსები (კიკვაძე), საპარლამენტო უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, გურიის გუბერნატორი გია სალუქვაძე, ოზურგეთის მუნიციპალიტეტების ხელმძღვანელი პირები, ანსამბლ „ერისიონისა“ და ანსამბლ „რუსთავის“ სამხატვრო ხელმძღვანელები და სხვები.

„ოზურგეთი ფოლკლორის ქალაქი“ ის პროექტია, რომლის განხორციელებისათვის მაქსიმუმი გაკეთდება, რათა ხელი შეეწყოს ფოლკ-ტურიზმის განვითარებასა და რეგიონის სოციალურ - ეკონომიკურ მდგომარეობის გაუმჯობესებას“ -განაცხადა გუბერნატორმა.

როგორც შეხვედრაზე არტემ ერქომაიშვილის სახელობის საქველმოქმედო ფონდის დირექტორმა ავთანდილ სურგულაძემ აღნიშნა, ფონდის ძირითადი მიზანია შესაბამისი სახსრების მობილიზება საქველმოქმედო და კულტურული საქმიანობისთვის, რაც ხელს შეუწყობს ხალხური შემოქმედების განვითარება-პოპულარიზაციას საქართველოსა და მის ფარგლებს გარეთ.

გიორგი ჭიღვარია ჭავჭავაძის ბაზრობაზე დასაქმებულებს შეხვდა

გიორგი ჭიღვარია ჭავჭავაძის ბაზრობაზე დასაქმებულებს შეხვდა

9 წუთის წინ

ამასთანავე აღნიშნა, რომ ის ტროტუარები, რომელიც გარევაჭრობის შედეგად დაზიანდა რეაბილიტირდება და ჭავჭავაძის მიმდებარე ტერიტორია ინფრასტრუქტურულად გაიმართება. "უნებართვო გარევაჭრობა უკვე მთელი ქალაქის მასშტაბით აიკრძალა.ყველა...

USD 2.4402
EUR 3.0017
GBP 3.4343
TRY 0.6036