ევროპარლამენტში საქართველოსთვის უვიზო რეჟიმის მინიჭებაზე დოკუმენტს ხელი მოეწერა

ევროპარლამენტში საქართველოსთვის უვიზო რეჟიმის მინიჭებაზე დოკუმენტს ხელი მოეწერა

ევროპარლამენტში საქართველოს მოქალაქეებისთვის უვიზო რეჟიმის მინიჭებაზე დოკუმენტს ხელი დღეს, 1 მარტს მოეწერა.

ხელმოწერის ცერემონია თბილისის დროით 17:00 საათზე გაიმართა. ისტორიულ დოკუმენტს ხელი ევროპარლამენტის პრეზიდენტმა და ევროკავშირის თავმჯდომარე ქვეყნის წარმომადგენელმა მოაწერა. 

ხელმოწერილი რეგულაცია 9 მარტს გამოქვეყნდება ოფიციალურ ჟურნალში და 20 დღეში ძალაში შევა თავისუფალი მიმოსვლა. ბრიუსელში ოფიციალურ ცერემონიას პრემიერმინისტრი, გიორგი კვირიკაშვილიც ესწრება. ხელმოწერის ცერემონიის შედეგ, საქართველოს მთავრობის მეთაური ევროპარლამენტის თავმჯდომარე, ანტონიო ტაიანის შეხვდება, რის შემდეგაც ერთობლივი განცხადებები გაკეთდება. 

უვიზო რეჟიმი გულისხმობს თავისუფალ გადაადგილებას შენგენის ზონის ტერიტორიაზე, რომელიც მოიცავს ევროკავშირის 22 წევრ  ქვეყანას, ევროკავშირის 4 არაწევრ ქვეყანას და შენგენის 4 კანდიდატ ქვეყანას:

წევრი ქვეყნები: ავსტრია, ბელგია, გერმანია, დანია, ესპანეთი, ესტონეთი, იტალია, ლატვია, ლიტვა, ლუქსემბურგი, მალტა, ნიდერლანდები, პოლონეთი, პორტუგალია, საბერძნეთი, საფრანგეთი, სლოვენია, სლოვაკეთი, უნგრეთი, ფინეთი, შვედეთი, ჩეხეთი.

არაწევრი ქვეყნები: ისლანდია, ლიხტენშტეინი, ნორვეგია და შვეიცარია;

კანდიდატი ქვეყნები: ბულგარეთი, კვიპროსი, რუმინეთი, ხორვატია; 

გამონაკლისს წარმოადგენს ევროკავშირის 2 წევრი ქვეყანა: დიდი ბრიტანეთი და ირლანდია.

ხუხაშვილი ივანიშვილზე: დაბრუნდება თუ არა მასწავლებელი კლასში, ლელა კაკულიას კომპეტენციაა

ხუხაშვილი ივანიშვილზე: დაბრუნდება თუ არა მასწავლებელი კლასში, ლელა კაკულიას კომპეტენციაა

1 წუთის წინ

სადამდე შეიძლება მივიდეს პროცესი და ხომ არ არის მოსალოდნელი უმრავლესობის გაყოფა? - ამ კითხვებით "აიპრესმა" პოლიტოლოგ გია ხუხაშვილს მიმართა. ხუხაშვილი "ქართულ ოცნებას" თინეიჯერების კლასს ადარებს და ამბობს, რომ თუ მასწავლებელი კლასში არ...

USD 2.4277
EUR 3.0028
GBP 3.4490
TRY 0.5917