ქალაქ ხობში მრავალფუნქციური სპორტკომპლექსი შენდება

ქალაქ ხობში მრავალფუნქციური სპორტკომპლექსი შენდება

ქალაქ ხობში მრავალფუნქციური სპორტკომპლექსი შენდება. ყოფილი კინოთეატრის "თუთარჩელა“-ს შენობის რეკონსტრუქცია- რეაბილიტაციას საქართველოს მუნიციპალური განვითარების ფონდი ევროპის საინვესტიციო ბანკის დაფინანსებით ახორციელებს,- ამის შესახებ ინფორმაციას ინფრასტრუქტურის სამინისტრო ავრცელებს.

სამინისტროს ცნობით, სპორტული კომპლექსში გათვალისწინებულია საჭიდაო მოედნის, ჭადრაკის დარბაზის, საბილიარდეს,  ფიტნესდარბაზისა და საუნის მოწყობა.

ქალაქ ხობში  სპორტით დაინტერესებულ ადამიანებს საშუალება ექნებათ კეთილმოწყობილ გარემოში ივარჯიშონ და სპორტის მრავალ სახეობაში გამართონ ტურნირები.

პროექტით გათვალისწინებულია დარბაზში ლითონის ფერმების მოწყობა და გადახურვა. თუნუქით გადაიხურება ასევე დანარჩენი შენობა. ფასადზე მოეწყობა ალუმინის ვიტრაჟები.

მოწესრიგდება ელექტროობა და გათბობა-ვენტილაციის სისტემები.  პარალელურ რეჟიმში მიმდინარეობს  შიდა და გარე კანალიზაციისა და ბიოლოგიური გამწმენდის მოწყობის სამუშაოები.

მშენებლობაზე, რომლის ღირებულება  2 500 000 ლარზე მეტია,  30 ადამიანია დასაქმებული. სამუშაოების დასრულება 2018 წლის გაზაფხულზე იგეგმება.

სამუშაოების ადგილზე გასაცნობად ხობში, საქართველოს რეგიონული განვითარებისა და ინფრასტუქტურის მინისტრი ზურაბ ალავიძე და ხობის გამგებელი გოჩა ქაჯაია იმყოფებოდნენ.

გიორგი ჭიღვარია ჭავჭავაძის ბაზრობაზე დასაქმებულებს შეხვდა

გიორგი ჭიღვარია ჭავჭავაძის ბაზრობაზე დასაქმებულებს შეხვდა

7 წუთის წინ

ამასთანავე აღნიშნა, რომ ის ტროტუარები, რომელიც გარევაჭრობის შედეგად დაზიანდა რეაბილიტირდება და ჭავჭავაძის მიმდებარე ტერიტორია ინფრასტრუქტურულად გაიმართება. "უნებართვო გარევაჭრობა უკვე მთელი ქალაქის მასშტაბით აიკრძალა.ყველა...

USD 2.4402
EUR 3.0017
GBP 3.4343
TRY 0.6036