კაპანაძე: რატომ მიჰყავს საქართველოს 3 წელია "გაზპრომთან" მოლაპარაკება როგორც წაგებულ მხარეს?

კაპანაძე: რატომ მიჰყავს საქართველოს 3 წელია "გაზპრომთან" მოლაპარაკება როგორც წაგებულ მხარეს?

"ნაციონალური მოძრაობის" წარმომადგენელი სერგი კაპანაძე გაზპრომთან ხელშკერულების გაფორმების საკითხს ეხმიანება. როგორც სერგი კაპანაძე რუსთავი 2-ის ეთერში აცხადებს, რომ საქართველოს რეალურად ძლიერი პოზიცია აქვს, თუმცა ბოლო სამი წელია მოლაპარკებები მიჰყავს როგორც წაგებულ მხარეს.

„მე ეს პრობლემატური მგონია ორი რამის გამო, პირველ რიგში იმის გამო, რომ ჩვენ ამ მოლაპარაკებებში გვაქვს ძლიერი პოზიცია მარტივი მიზეზის გამო. ეს ტრანზიტი ჩვენი ტერიტორიის გავლით გადის სომხეთში და ეს არის შეთანხმება, რომელიც ძალაში არსებობს. ერთის მხრივ, პრეცედენტი გვაქვს და მეორეს მხრივ, უჩვენოდ ამას რუსეთი ვერ გააკეთებს. ეს არის ძლიერი პოზიცია და ამავდროულად, ინტერესი გვაქვს, რომ ეს ასე დავტოვოთ. არ მესმის რატომ ხდება მარტო ამ ბოლო 3 წლის განმავლობაში, რომ ამ ძლიერი პოზიციიდან მოლაპარაკებები მიგყავს, როგორც წაგებულ მხარეს. რატომ ხდება, რომ ყოველთვის ხელშეკრულება იწურება და ჩვენ უნდა ვიყოთ დამნაშავე იმაში, რომ არალეგალურად ხდება ამ ტრანზიტის გატარება”,-განაცხადა სერგი კაპანაძემ.

შეგახსენებთ, ენერგეტიკის მინისტრმა კახა კალაძემ დღეს განაცხადა, რომ მთავრობამ „გაზპრომთან“ ხელშეკრულების გაფორმების გადაწყვეტილება მიიღო, რომელიც ორწლიანი იქნება.

„ამ ხელშეკრულებით, საქართველოს დამოკიდებულება რუსეთის ენერგომატარებლებზე არ იზრდება, იცვლება მხოლოდ გადახდის ფორმა, რაც გულისხმობს, ნედლეულით ანაზღაურების ნაცვლად საერთაშორისო პრაქტიკის შესაბამისად ფულად ანაზღაურებაზე გადასვლას“, – განაცხადა კახა კალაძემ.

კატერინა მატერნოვა მიესალმება ფინანსთა სამინისტროს ხედვას საქართველოში ინკლუზიური ეკონომიკური ზრდის აუცილებლობაზე

კატერინა მატერნოვა მიესალმება ფინანსთა სამინისტროს ხედვას საქართველოში ინკლუზიური ეკონომიკური ზრდის აუცილებლობაზე

4 საათის წინ

ფინანსთა მინისტრმა, მამუკა ბახტაძემ ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს მადლობა გადაუხადა საქართველოში განხორციელებული და მიმდინარე რეფორმების...

USD 2.4402
EUR 3.0017
GBP 3.4343
TRY 0.6036