ზურაბ ჯაფარიძე: სამართალდამცველები ბევრს არ ლაპარაკობდნენ, თუმცა კორექტულად იქცეოდნენ

ზურაბ ჯაფარიძე: სამართალდამცველები ბევრს არ ლაპარაკობდნენ, თუმცა კორექტულად იქცეოდნენ

„გირჩის“ დამფუძნებლის ზურაბ ჯაფარიძის განცხადებით, შსს-ს თანამშრომლებმა „გირჩის“ ოფისში სათითაოდ აღწერეს ყველა ის ქოთანი, სადაც მარიხუანა იყო დარგული. შემდეგ კი, ეს ქოთნები ოფისიდან წაიღეს.

ჯაფარიძე აქვე დასძენს, რომ ჯამში 84 ქოთანი იყო, სადაც მარიხუანაა დარგული. აქედან უმეტესობამ გაიხარა. 

"წარმოადგინეს სასამართლოს განჩინება, რომ ოფისი გაეჩხრიკათ. დაათვალიერეს მთელი ოფისი, გადაიღეს უწყვეტი კადრი, მაგრამ ძირითადი პროცედურები იქ ჩატარდა, სადაც ქოთნები იყო. აღწერეს სათითაოდ ყველაფერი - ზომა, წონა. ჯამში იყო 84 ქოთანი, აქედან უმეტესობაში ამოსული იყო. ჩააბარგეს ეს ყველაფერი, დაუძახეს დამხმარე ძალას და წაიღეს. ეს იყო რაც დღეს გააკეთეს. ჯერ საგამოძიებო უწყებაში არავის დავუბარებივართ.ზოგადად სხვა საგამოძიებო მოქმედებებთან დაკავშირებით არანაირი კომენტარი გაუკეთებიათ. ბევრს არ ლაპარაკობდნენ, თუმცა კორექტულად იქცეოდნენ. უბრალოდ, რა დავალებაც ქონდათ, იმას ასრულებდნენ. უნდა ამოეღოთ ქოთნებით კანაფი და ეს ზედმიწევნით განახორციელეს" - აღნიშნა ზურაბ ჯაფარიძემ. 

ჯაფარიძის თქმით, ამ თემის გაგრძელებასთან დაკავშირებით არანაირი მოლოდინი არ აქვს და არ იცის, პროცესი როგორ გაგრძელდება. 

"არანაირი მოლოდინი არ მაქვს. მე საერთოდ არ მესმის, რისთვის არის საჭირო ეს მასკარადი და შოუ. რატომ უნდა ვხარჯავდეთ ჩვენ, გადასახადის გადამხდელები ფულს, იმაში რომ ქართული პოლიცია დაკავებული იყოს იმით, რითიც დაკავებულია. რატომ უნდა დასდევდნენ ნარკოტიკების მოხმარებისთვის ან მარიხუანას კულტივაციისთვის, ჩემთვის სრულიად გაუგებარია. როგორ გააგრძელებენ და რას გააკეთებენ, მათი გადასაწყვეტია. საბოლოო ჯამში, ცხადია, ყველასთვის ეს შსს-ს მიერ მიღებული გადაწყვეტილება არ არის, ეს არის პოლიტიკური გადაწყვეტილება. ის, რაც ჩვენ ჩავიდინეთ, იყო პოლიტიკური აქტი", - აცხადებს ზურაბ ჯაფარიძე.

კატერინა მატერნოვა მიესალმება ფინანსთა სამინისტროს ხედვას საქართველოში ინკლუზიური ეკონომიკური ზრდის აუცილებლობაზე

კატერინა მატერნოვა მიესალმება ფინანსთა სამინისტროს ხედვას საქართველოში ინკლუზიური ეკონომიკური ზრდის აუცილებლობაზე

4 საათის წინ

ფინანსთა მინისტრმა, მამუკა ბახტაძემ ევროკავშირის სამეზობლო პოლიტიკისა და გაფართოების საკითხებში გენერალური დირექტორატის ხელმძღვანელის მოადგილეს მადლობა გადაუხადა საქართველოში განხორციელებული და მიმდინარე რეფორმების...

USD 2.4402
EUR 3.0017
GBP 3.4343
TRY 0.6036