თეა წულუკიანი: ვიმედოვნებ, გაისად დამოუკიდებელი საგამოძიებო მექანიზმი შეიქმნება

მარიამ ვაჩნაძე

იუსტიციის მინისტრმა, თეა წულუკიანმა მთავრობის სხდომის დასრულების შემდეგ ევროკავშირთან ასოცირების ხელშეკრულების ვალდებულებების შესრულებაზე ისაუბრა.

მინისტრმა იმედი გამოთქვა, რომ მომავალ წელს შესრულდება ერთ-ერთი ვალდებულება, კერძოდ შეიქმნება დამოუკიდებელი საგამოძიებო მექანიზმი.

"ჩვენი მიმართულებით, ვფიქრობ, ბევრი წარმატება გვაქვს ასოცირების შეთანხმების იმპლემენტაციის კუთხით იუსტიციის სფეროში. აქ იგულისხმება სისხლის, სამოქალაქო მართლმსაჯულება, სისხლის მართლმსაჯულებაში არა მხოლოდ სასამართლო, არამედ პროკურატურა, ბავშვთა მართლმსაჯულების კოდექსი და ზოგადად ადამიანის უფლებების უფრო მაღალი ხარისხი.

ჩვენ ვაგრძელებთ მუშაობას და დიდი იმედი მაქვს, რომ გაისად, მაგალითად, იმ ვალდებულებას შევასრულებთ, რომელიც ეხება დამოუკიდებელი საგამოძიებო მექანიზმის შექმნას, რომელსაც ექნება მხოლოდ საგამოძიებო ფუნქცია და პროკურატურა დაიტოვებს დევნის ფუნქციას. მაგრამ გამომძიებლები იქნებიან დამოუკიდებელი ორგანოს გამომძიებლები, რათა მაგალითად, თავდაცვის სფეროში ჩადენილი არასათანადო მოპყრობა, არაფერს ვამბობ წამებაზე, არ გამოიძიოს ისევ თავდაცვის სამინისტროს გამომძიებელმა. ასევე იქნება პოლიციაში.

ანუ, სამართალდამცველის მიერ ჩადენილი არასათანადო მოპყრობა უნდა გამოიძიოს ამ სტრუქტურისგან დამოუკიდებელმა გამომძიებელმა, ხოლო სისხლის სამართლებრივი დევნის ფუნქცია დარჩება პროკურატურას. ეს არის ის მაგალითი, რაც ისევ შესასრულებელი გვაქვს",- განაცხადა წულუკიანმა.

მსგავსი სიახლეები
დაავადებათა კონტროლის ცენტრი საქართველოში სიკვდილიანობის გამომწვევი მთავარი დაავადებების შესახებ გავრცელებულ ინფორმაციას ეხმიანება

დაავადებათა კონტროლის ცენტრი საქართველოში სიკვდილიანობის გამომწვევი მთავარი დაავადებების შესახებ გავრცელებულ ინფორმაციას ეხმიანება

16 ოქტომბერი, 2017

დაავადებათა კონტროლისა და საზოგადოებრივი ჯანმრთელობის ეროვნული ცენტრი საინფორმაციო სააგენტოებში, საქართველოში სიკვდილიანობის გამომწვევი მთავარი დაავადებების შესახებ გავრცელებულ ინფორმაციას ეხმიანება. როგორც...

მეტი

საქართველოს გაერთიანებული წყალმომარაგების კომპანია განცხადებას ავრცელებს

საქართველოს გაერთიანებული წყალმომარაგების კომპანია განცხადებას ავრცელებს

17 ოქტომბერი, 2017

17 ოქტომბრის 08:00 საათიდან 18 ოქტომბრის 12:00 საათამდე ჭიათურაში მცხოვრები მოსახლეობის ნაწილს წყალმომარაგება შეეზღუდება,- ამის შესახებ ინფორმაციას საქართველოს გაერთიანებული წყალმომარაგების კომპანია...

მეტი

თეა წულუკიანი: ვიმედოვნებ, გაისად დამოუკიდებელი საგამოძიებო მექანიზმი შეიქმნება

თეა წულუკიანი: ვიმედოვნებ, გაისად დამოუკიდებელი საგამოძიებო მექანიზმი შეიქმნება
14:01 | 15 დეკემბერი, 2016

მინისტრმა იმედი გამოთქვა, რომ მომავალ წელს შესრულდება ერთ-ერთი ვალდებულება, კერძოდ შეიქმნება დამოუკიდებელი საგამოძიებო მექანიზმი.

"ჩვენი მიმართულებით, ვფიქრობ, ბევრი წარმატება გვაქვს ასოცირების შეთანხმების იმპლემენტაციის კუთხით იუსტიციის სფეროში. აქ იგულისხმება სისხლის, სამოქალაქო მართლმსაჯულება, სისხლის მართლმსაჯულებაში არა მხოლოდ სასამართლო, არამედ პროკურატურა, ბავშვთა მართლმსაჯულების კოდექსი და ზოგადად ადამიანის უფლებების უფრო მაღალი ხარისხი.

ჩვენ ვაგრძელებთ მუშაობას და დიდი იმედი მაქვს, რომ გაისად, მაგალითად, იმ ვალდებულებას შევასრულებთ, რომელიც ეხება დამოუკიდებელი საგამოძიებო მექანიზმის შექმნას, რომელსაც ექნება მხოლოდ საგამოძიებო ფუნქცია და პროკურატურა დაიტოვებს დევნის ფუნქციას. მაგრამ გამომძიებლები იქნებიან დამოუკიდებელი ორგანოს გამომძიებლები, რათა მაგალითად, თავდაცვის სფეროში ჩადენილი არასათანადო მოპყრობა, არაფერს ვამბობ წამებაზე, არ გამოიძიოს ისევ თავდაცვის სამინისტროს გამომძიებელმა. ასევე იქნება პოლიციაში.

ანუ, სამართალდამცველის მიერ ჩადენილი არასათანადო მოპყრობა უნდა გამოიძიოს ამ სტრუქტურისგან დამოუკიდებელმა გამომძიებელმა, ხოლო სისხლის სამართლებრივი დევნის ფუნქცია დარჩება პროკურატურას. ეს არის ის მაგალითი, რაც ისევ შესასრულებელი გვაქვს",- განაცხადა წულუკიანმა.

ავტორი: მარიამ ვაჩნაძე