ევროკავშირი სისხლის სამართლის მართლმსაჯულების რეფორმის მხარდაჭერას განაგრძობს

ადმინისტრატორი

ევროკავშირი საქართველოში სისხლის სამართლის მართლმსაჯულების რეფორმის მხარდაჭერას განაგრძობს. პროგრამის − „მართლმსაჯულების რეფორმა საქართველოში“ − მიზანი მართლმსაჯულების სისტემის ხარისხის, დამოუკიდებლობისა და ეფექტურობის გაძლიერებაა. პრეზენტაციას, რომელიც 15 დეკემბერს გაიმართა, იუსტიციის მინისტრის პირველი მოადგილე ალექსანდრე ბარამიძე დაესწრო,- ამის შესახებ ინფორმაციას იუსტიციის სამინისტრო ავრცელებს.

"ევროკავშირი საქართველოს რამდენიმე მიმართულებით გაუწევს დახმარებას. ერთ-ერთი მათგანი სისხლის სამართლის სისტემის რეფორმირებაა, რომელსაც იუსტიციის სამინისტრო ახორციელებს.

თანამშრომლობა სხვადასხვა კომპონენტს მოიცავს: სისხლის სამართლის რეფორმის პოლიტიკის განსაზღვრა, განვითარება, კოორდინაცია და მონიტორინგი; ადამიანის უფლებების დაცვის სტანდარტების ამაღლება; პროფესიული განვითარება; საზოგადოებასთან ურთიერთობა; მართვისა და ადამიანური რესურსების გაძლიერება.

პროექტი იუსტიციის სამინისტროს სისხლის სამართლის მართლმსაჯულების რეფორმის სტრატეგიის აღსრულების პროცესში დაეხმარება. თანამშრომლობა სისხლის სამართლის რეფორმის საკოორდინაციო საბჭოს და თემატური სამუშაო ჯგუფების ფორმატში წარიმართება.

რეფორმირების პროცესში ჩართული იქნებიან საერთაშორისო და დონორი ორგანიზაციები. ღია და გამჭვირვალე პროცესის უზრუნველყოფისათვის დაიგეგმება და განხორციელდება საზოგადოებრივი კამპანიები. ევროკავშირი იუსტიციის სამინისტროს საკანონმდებლო პაკეტების შემუშავებაში ტექნიკურ დახმარებასაც გაუწევს.

სისხლის სამართლის სისტემის რეფორმის განახლებული სტრატეგია და სამოქმედო გეგმა სისხლის სამართლის რეფორმის განმახორციელებელმა უწყებათაშორისმა საკოორდინაციო საბჭომ 2013 წელს მიიღო. მისი მიზანი კანონის უზენაესობის განმტკიცება, უსაფრთხო გარემოს შექმნა, დანაშაულის შემცირება და მართლმსაჯულების ადამიანის უფლებათა საერთაშორისო სტანდარტების შესაბამისად უზრუნველყოფაა.

სტრატეგიის თანახმად, უნდა გაუმჯობესდეს პროკურატურის დამოუკიდებლობა, ანგარიშვალდებულება და გამჭვირვალობა.

პროექტის პრეზენტაციას ესწრებოდნენ ევროკავშირის ელჩი საქართველოში იანუშ ჰერმანი, საქართველოს საკონსტიტუციო და უზენაესი სასამართლოს თავმჯდომარეები, შს და სასჯელაღსრულებისა და პრობაციის მინისტრები, აგრეთვე, ევროკავშირის ექსპერტები − პროექტის მიმართულების კოორდინატორები.

„მართლმსაჯულების რეფორმა საქართველოში“ იუსტიციის სამინისტროს გარდა, სასამართლოსა და პენიტენციარული სისტემის მხარდაჭერის კომპონენტებსაც მოიცავს. 32-თვიანი პროგრამის მთლიანი ღირებულება 7.6 მილიონი ევროა."- აღნიშნულია გავრცელებულ ინფორმაციაში.

მსგავსი სიახლეები
დავით სერგეენკო სადაზღვევო ინდუსტრიის წარმომადგენლებს შეხვდა

დავით სერგეენკო სადაზღვევო ინდუსტრიის წარმომადგენლებს შეხვდა

23 მარტი, 2017

შრომის, ჯანმრთელობისა და სოციალური დაცვის მინისტრმა დავით სერგეენკომ დაზღვევის ზედამხედველობის სამსახურისა და ათამდე სადაზღვევო კომპანიის წარმომადგენლებს საყოველთაო ჯანდაცვის პროგრამაში დაგეგმილი ცვლილებები...

მეტი

სოფელ წილკანში ინოვაციური პროექტის აგრო-კლიმატური სადგურების პრეზენტაცია გაიმართება

სოფელ წილკანში ინოვაციური პროექტის აგრო-კლიმატური სადგურების პრეზენტაცია გაიმართება

24 მარტი, 2017

24 მარტს, მცხეთის რაიონის სოფელ წილკანში მდებარე სოფლის მეურნეობის სამეცნიერო–კვლევით ცენტრში ფონდ Your Forest-ის ორგანიზებით, ინოვაციური პროექტის აგრო-კლიმატური სადგურების პრეზენტაცია გაიმართება, - აღნიშნულის შესახებ...

მეტი

ევროკავშირი სისხლის სამართლის მართლმსაჯულების რეფორმის მხარდაჭერას განაგრძობს

ევროკავშირი სისხლის სამართლის მართლმსაჯულების რეფორმის მხარდაჭერას განაგრძობს
13:17 | 15 დეკემბერი, 2016

"ევროკავშირი საქართველოს რამდენიმე მიმართულებით გაუწევს დახმარებას. ერთ-ერთი მათგანი სისხლის სამართლის სისტემის რეფორმირებაა, რომელსაც იუსტიციის სამინისტრო ახორციელებს.

თანამშრომლობა სხვადასხვა კომპონენტს მოიცავს: სისხლის სამართლის რეფორმის პოლიტიკის განსაზღვრა, განვითარება, კოორდინაცია და მონიტორინგი; ადამიანის უფლებების დაცვის სტანდარტების ამაღლება; პროფესიული განვითარება; საზოგადოებასთან ურთიერთობა; მართვისა და ადამიანური რესურსების გაძლიერება.

პროექტი იუსტიციის სამინისტროს სისხლის სამართლის მართლმსაჯულების რეფორმის სტრატეგიის აღსრულების პროცესში დაეხმარება. თანამშრომლობა სისხლის სამართლის რეფორმის საკოორდინაციო საბჭოს და თემატური სამუშაო ჯგუფების ფორმატში წარიმართება.

რეფორმირების პროცესში ჩართული იქნებიან საერთაშორისო და დონორი ორგანიზაციები. ღია და გამჭვირვალე პროცესის უზრუნველყოფისათვის დაიგეგმება და განხორციელდება საზოგადოებრივი კამპანიები. ევროკავშირი იუსტიციის სამინისტროს საკანონმდებლო პაკეტების შემუშავებაში ტექნიკურ დახმარებასაც გაუწევს.

სისხლის სამართლის სისტემის რეფორმის განახლებული სტრატეგია და სამოქმედო გეგმა სისხლის სამართლის რეფორმის განმახორციელებელმა უწყებათაშორისმა საკოორდინაციო საბჭომ 2013 წელს მიიღო. მისი მიზანი კანონის უზენაესობის განმტკიცება, უსაფრთხო გარემოს შექმნა, დანაშაულის შემცირება და მართლმსაჯულების ადამიანის უფლებათა საერთაშორისო სტანდარტების შესაბამისად უზრუნველყოფაა.

სტრატეგიის თანახმად, უნდა გაუმჯობესდეს პროკურატურის დამოუკიდებლობა, ანგარიშვალდებულება და გამჭვირვალობა.

პროექტის პრეზენტაციას ესწრებოდნენ ევროკავშირის ელჩი საქართველოში იანუშ ჰერმანი, საქართველოს საკონსტიტუციო და უზენაესი სასამართლოს თავმჯდომარეები, შს და სასჯელაღსრულებისა და პრობაციის მინისტრები, აგრეთვე, ევროკავშირის ექსპერტები − პროექტის მიმართულების კოორდინატორები.

„მართლმსაჯულების რეფორმა საქართველოში“ იუსტიციის სამინისტროს გარდა, სასამართლოსა და პენიტენციარული სისტემის მხარდაჭერის კომპონენტებსაც მოიცავს. 32-თვიანი პროგრამის მთლიანი ღირებულება 7.6 მილიონი ევროა."- აღნიშნულია გავრცელებულ ინფორმაციაში.

ავტორი: ადმინისტრატორი