ქუთაისის 59-ე საოლქო კომისიის თავმჯდომარე: ამომრჩეველთა 31%-იანი აქტივობა დაფიქსირდა

ქუთაისის 59-ე საოლქო კომისიის თავმჯდომარე: ამომრჩეველთა 31%-იანი აქტივობა დაფიქსირდა

,,ქუთაისში საპარლამენტო არჩევნების მეორე ტურში სულ მოსახლეობის 31%-მა მიიღო მონაწილეობა, რაც ციფრებში 50222 ამომრჩეველია",-ამის შესახებ ქუთაისის 59-ე საოლქო საარჩევნო კომისიის თავმჯდომარემ, ავთანდილ ოსეფაიშვილმა განაცხადა და აღნიშნულ მონაცემს ადეკვატური უწოდა. მისი ინფორმაციით, ქუთაისის საოლქო საარჩევნო კომისიაში სულ 21 საჩივარი დაფიქსირდა.

,,გასაგებია, რომ ეს მეორე ტური იყო და ორი კანდიდატი იღებდა მონაწილეობას. ადეკვატურად მიმაჩნია ის აქტივობა, რაც ქუთაისში დაფიქსირდა. როგორც ჩანს, ორი პარტიის ამომრჩევლები მონაწილეობდნენ. საერთო ჯამში, 21 საჩივარი შემოვიდა. აქედან საკონტროლო ფურცელთან დაკავშირებით შემოვიდა # 93 #33 # 66 # 80 # 8 #108 # 86 # 55 უბნებიდან. ძირითადად საკონტროლო ფურცლის შევსების წესთან დაკავშირებით, მითითებული დარღვევებია. ზოგან რეგისტრაციის ადგილი დააკლეს, ზოგან პირველი ამომრჩევლის პირადი ნომერი. ასევე არის გადასატან ყუთებთან დაკავშირებით საჩივრები.

ერთ-ერთ უბანზე, რთული სიტუაცია იყო და ჩვენ ადგილზე ვიყავით გასული და გავარკვიეთ რა ხდებოდა. ორი რეგისტრატორი, რომელიც გაყვა გადასატან ყუთს ,,ნაცმოძრაობიდან“ და ,,ქართული ოცნებიდან“ გამოუცდელები იყვნენ და ვერ გაერკვნენ, კომისიის წევრის ადგილას რომელს უნდა მოეწერა ხელი. პირველადი მონაცემები გამთენიისას გვექნება",-განაცხადა ქუთაისის 59-ე საოლქო საარჩევნო კომისიის თავმჯდომარემ, ავთანდილ ოსეფაიშვილმა.

შეგახსენებთ, რომ ქუთაისში სულ 129 საარჩევნო უბანი 3 მაჟორიტარული ოლქი და 161 709 ამომრჩეველია.

ნინო ბურჯანაძე: სრულ უნდობლობას ვუცხადებთ არჩევნების წინასწარ შედეგებს

ნინო ბურჯანაძე: სრულ უნდობლობას ვუცხადებთ არჩევნების წინასწარ შედეგებს

22 ოქტომბერი, 2017

"ჩვენ საარჩევნო მონიტორინგში მონაწილე საქართველოს ოპოზიციური პარტიიები უკიდურეს შეშფოთებას გამოვთქვამთ 2017 წლის 21 ოქტომბრის ადგილობრივი თვითმართველობის არჩევნებთან დაკავშირებით. ჩვენი შეფასებით, ამ არჩევნებზე არ იყო უზრუნველყოფილი...

USD 2.4277
EUR 3.0028
GBP 3.4490
TRY 0.5917