გერმანიის დანახარჯები ლტოლვილებზე 2015 წელს, 10 მილიარდ ევრომდე გაიზრდება, რაც თითქმის 4-ჯერ გაზრდილი მაჩვენებელია. 

გერმანული მედიის ცნობით, გასულ წელს მთავრობის მიერ ლტოლვილებზე დახარჯულმა თანხამ 2,4 მილიარდი ევრო შეადგინა, მას შემდეგ კი ქვეყანამ 200 000 ლტოლვილი მიიღო და წლის ბოლომდე მათი რიცხვი, შესაძლოა, 800 000-მდე გაიზარდოს.

წლიური ხარჯები თითოეულ ლტოლვილზე დაახლოებით 12 000 ევროა. აღნიშნული თანხა მოიცავს, საცხოვრებელს, საკვებს, სამედიცინო დაზღვევას და ადმინისტრაციულ ხარჯებს.

გერმანიის მთავრობამ 450 000 ლტოლვილის მისაღებად ივლისში 5,6 მილიარდი ევრო გამოყო.