Notice: Undefined index: language in /home/ipressip/public_html/system/library/pagecache.php on line 70
"ჩემი შვილი ტიროდა, სხვა ბავშვებთან ერთად უნდოდათ ჩემი გაშიშვლებაო" - რა მოხდა ბათუმის მე-14 ბაღში
"ჩემი შვილი ტიროდა, სხვა ბავშვებთან ერთად უნდოდათ ჩემი გაშიშვლებაო" - რა მოხდა ბათუმის მე-14 ბაღში

"ჩემი შვილი ტიროდა, სხვა ბავშვებთან ერთად უნდოდათ ჩემი გაშიშვლებაო" - რა მოხდა ბათუმის მე-14 ბაღში

ბათუმის მე-14 ბაღში მომხდარ სავარაუდო ინციდენტთან დაკავშირებით გამოძიება ძალადობის მუხლით დაიწყო. საგამოძიებო ორგანოებსა და სახალხო დამცველს ერთ-ერთი ბავშვის მშობელმა მიმართა. 

ინგა დავითაძე "აიპრესთან" ჰყვება, რომ მისმა შვილმა ბაღში პარაზიტებზე ანალიზის ჩატარების დროს ფსიქოლოგიური სტრესი მიიღო.

მშობელი ბაღში პედაგოგმა მას შემდეგ გამოიძახა, როცა 5 წლის ბავშვი გაუჩერებლად ტიროდა. ინგა დავითაძე აცხადებს, რომ მას ბაღში ანალიზების ჩატარება არაჰიგიენურ და სტრესულ ვითარებაში მიმდინარეობდა. მშობელი ფაქტის გამოძიებას ითხოვს.

"როცა მივედი, ჩემი შვილი ტიროდა. მითხრა, რომ სხვა ბავშვების თანდასწრებით უნდოდათ მისი გაშიშვლება. როცა ჩემი შვილი დავამშვიდე, მერე ვნახე როგორ უღებდნენ სხვა ბავშვებს ანალიზს. ყველა ბიჭი ერთად ჰყავდათ ანალიზის ოთახში და არა ინდივიდუალურად მედპუნქტის ოთახში. მედდას არ ეკეთა ჰიგიენისთვის აუცილებელი რეზინის ხელთათმანი და წებოვანი ლენტა, რომლითაც ბავშვზე ანალიზი უნდა გაეკეთებინათ, მაგიდაზე ჰქონდათ დაწებებული მზა მდგომარეობაში, რითიც შესაძლოა ბავშვისთვის დამატებითი ბაქტერიებიც კი გადაედოთ", - აცხადებს ინგა დავითაძე

ბრალდებებს ბაღის დირექტორი უარყოფს. მაია ხუხუნაიშვილი განმარტავს რომ ანალიზები ოოლიკლინიკის მედ პერსონალმა ჰიგიენური ნორმების დაცვით ჩაატარა, ბავშვები კი სტრესულ მდგომარეობაში არ იმყოფებოდნენ.

"ეს იყო წამიერი უმტკივნეულო პროცედურა, ამის გამო არავინ ტიროდა. არც ბავშვების გახდას მოითხოვდა ანალიზი", - განაცხადა მაია ხუხუნაიშვილმა.

სახალხო დამცველის აპარატში განმარტავენ, რომ ამ დროისთვის საკითხის შესწავლა მიმდინარეობს. რა მოხდა საბავშვო ბაღში 12 აპრილს, ამას გამოძიება დაადგენს.

შუახევში, სოფელ კობალთაში ხანძარს ამ დრომდე ებრძვიან (ფოტორეპორტაჟი)

შუახევში, სოფელ კობალთაში ხანძარს ამ დრომდე ებრძვიან (ფოტორეპორტაჟი)

1 საათის წინ

 ქრობის პროცესში ადგილობრივ სახანძრო სამაშველო ბრიგადებთან ერთად ხულოსა და შუახევის ბრიგადებიცაა ჩართული ადგილობრივებთან ერთად. როგორც შუახევის მერი "აიპრესთან" საუბრსას აცხადებს, ქრობის პროცესში 100-ზე მეტი ადამიანია ჩართული. ფრიდონ...

USD 2.4787
EUR 3.0243
GBP 3.4568
TRY 0.6085