Notice: Undefined index: language in /home/ipressip/public_html/system/library/pagecache.php on line 70
17-23 აპრილს ქუთაისი დიდ თეატრალურ კვირეულს უმასპინძლებს
17-23 აპრილს ქუთაისი დიდ თეატრალურ კვირეულს უმასპინძლებს

17-23 აპრილს ქუთაისი დიდ თეატრალურ კვირეულს უმასპინძლებს

17-დან 23 აპრილის ჩათვლით ქუთაისი დიდ თეატრალურ კვირეულს უმასპინძლებს, რომელშიც მონაწილეობას მიიღებენ საქართველოს წამყვანი თეატრები, რომელთა რეპერტუარში პოპულარული და თეატრმცოდნეების მიერ აღიარებული სპექტაკლებია. 

თეატრალურ კვირეულს მისი მასპინძელი - ლ. მესხიშვილის სახელობის პროფესიული სახელმწიფო დრამატული თეატრი გახსნის სპექტაკლით „რევიზორი“ (რეჟ. გიორგი სიხარულიძე), რომელიც თეატრის კრიტიკოსთა საერთაშორისო ასოციაციის და თანამედროვე ქართული თეატრის კვლევის ცენტრის 2016 წლის გამოკითხვის რეიტინგით სამ ნომინაციის გამარჯვებულია. მესხიშვილის თეატრი უკვე რამდენიმე წელია, რაც სლოგანით „თეატრი მოდაშია“ აქტიურად ეწევა თეატრალური ხელოვნების პოპულარიზაციას ჩვენს ქალაქში.

კვირეულის გახსნაზე, თეატრის ფოიეში წარმოდგენილი იქნება მესხიშვილის მუზეუმში დაცული თეატრალური ესკიზების, სასცენო კოსტიუმებისა და თეატრალური აფიშების გამოფენა, რომელშიც ასახული იქნება თავად თეატრის ისტორია. გამოფენაზე წარმოდგენილი იქნება ელენე ახვლედიანის, ფარნა ლაპიაშვილის, დიმიტრი თაყაიშვილის და სხვების მიერ სხვადასხვა დროს მესხიშვილის თეატრის სპექტაკლებისთვის შესრულებული ესკიზები.

კვირეულის პროგრამა დღეების მიხედვით კი შემდეგნაირად ნაწილდება:

18 აპრილი - კოტე მარჯანიშვილის სახელობის პროფესიული სახელმწიფო დრამატული თეატრი - „უსახელო ვარკსვლავი“
19 აპრილი - მოძრაობის თეატრი - „პარფიუმერი“
21 აპრილი - ფოთის ვ. გუნიას სახელობის პროფესიული სახელმწიფო დრამატული თეატრი - "მკვდარი ქალაქები“

23 აპრილი - მ. თუმანიშვილის სახელობის კინომსახიობთა პროფესიული სახელმწიფო თეატრი - „მეფე ლირი“

თეატრალური კვირეულის ორგანიზატორი ქალაქ ქუთაისის მერიაა, რომელმაც გასულ წლებში უკვე გაუკეთა ორგანიზება მსგავს კვირეულებს, კერძოდ, 2013 წელს ქუთაისმა უმასპინძლა ქართული თეატრის დღისადმი მიძღვნილ კვირეულს, ხოლო 2014 წელს „შექსპირიადას“ - შექსპირის დაბადებიდან 450 წლისთავისადმი მიძღვნილ კვირეულს.
მსგავსი ხასიათის კვირეულები ხელს უწყობს, როგორც თეატრალური ხელოვნების პოპულარიზაციას ქუთაისში, ასევე საქართველოს ქალაქებს შორის კულტურული ურთიერთობების განვითარებას. კვირეული ერთგვარად საგანმანათლებლო ხასიათის მატარებელიც იქნება, რადგან მასზე დასასწრებად ძირითადად სტუდენტები და განათლების სფეროს წარმომადგენლები იქნებიან მოწვეულნი

შუახევში, სოფელ კობალთაში ხანძარს ამ დრომდე ებრძვიან (ფოტორეპორტაჟი)

შუახევში, სოფელ კობალთაში ხანძარს ამ დრომდე ებრძვიან (ფოტორეპორტაჟი)

8 საათის წინ

 ქრობის პროცესში ადგილობრივ სახანძრო სამაშველო ბრიგადებთან ერთად ხულოსა და შუახევის ბრიგადებიცაა ჩართული ადგილობრივებთან ერთად. როგორც შუახევის მერი "აიპრესთან" საუბრსას აცხადებს, ქრობის პროცესში 100-ზე მეტი ადამიანია ჩართული. ფრიდონ...

5 პოპულარული სიახლე
USD 2.4640
EUR 3.0007
GBP 3.4383
TRY 0.6053