3 ჯილდო - ქართველი მოსწავლე გოგონების წარმატება ევროპის მათემატიკის ოლიმპიადაზე

3 ჯილდო - ქართველი მოსწავლე გოგონების წარმატება ევროპის მათემატიკის ოლიმპიადაზე

ფლორენციაში 9-15 აპრილს მოსწავლე გოგონათა შორის ევროპის მათემატიკური ოლიმპიადა ჩატარდა. მასში ევროპის 37 და აშშ, კანადის, ბრაზილის, მექსიკის, ავსტრალიის, იაპონიის, ინდოეთის, ისრაელის, საუდის არაბეთის, ტუნისის და სხვა, სულ 52 ქვეყნის გუნდის 195 მოსწავლე გოგონა მონაწილეობდა.

საქართველოს ნაკრები ოლიმპიადაზე კომაროვის სკოლა-პანსიონის მოსწავლეებმა - თამარ კორკოტაშვილმა, თინათინ ქოქოშვილმა, ანა ონოფრიშვილმა და მზია აბჟანდაძემ წარადგინეს და მათ საერთო ჩათვლაში ევროპის ქვეყნებს შორის მე-15 შედეგი აჩვენეს.

ინდივიდუალურ შეჯიბრში ორმა მათგანმა - თამარ კორკოტაშვილმა და ანა ონოფრიშვილმა ვერცხლის მედლები დაიმსახურეს, მზია აბჟანდაძე კი წამახალისებელი დიპლომით დაჯილდოვდა.

აღსანიშნავია, რომ ამ ოლიმპიადამდე ცოტა ადრე, მარტში, კომაროველმა მოსწავლეებმა რუმინეთში გამართულ ინფორმატიკის საერთაშორისო შეჯიბრში ( 190 მოსწავლე 23 ქვეყნიდან) გვასახელეს - ალესანდრე ხოსიაშვილმა ოქროს, ხოლო გიორგი კლდიაშვილმა, ვანო გამეზარდაშვილმა და ნიკოლოზ ბირკაძემ კი ვერცხლის მედლები მოიპოვეს.

შეგახსენებთ, რომ სამი მათგანის შარშან თეირანში გამართულ გამართულ ინფორმატიკის 29-ე საერთაშორისო ოლიმპიადზე გამარჯვების შესახებ აიპორესმა დაუყოვნებლივ ახარა მკითხველს

შეგახსენებთ,  2017  წლის 4 აგვისტოს თეირანში, ინფორმატიკის საერთაშორისო ოლიმპიადზე ქართველმა მოსწავლეებმა ორი ვერცხლი მოიპოვეს 

მასალა მოამზადა რაულ კაპანაძემ

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

ბექაური: "რუსთავი 2"-ის გარდა ყველა მედია მზადაა სრულიად გამჭვირვალე გახადოს შემოსავლები

10 საათის წინ

"მხოლოდ რუსთავი 2 - მა გაასაჩივრა სასამართლოს პირველ ინსტანციაში წაგებული საქმე მეორე ინსტანციაში და ხელს უშლის საზოგადოებას, მიიღოს დეტალური ინფორმაცია მედიაკომპანიების შემოსავლის წყაროების შესახებ. მედიის ფინანსურ გამჭვირვალობასთან...

5 პოპულარული სიახლე
USD 2.4402
EUR 3.0017
GBP 3.4343
TRY 0.6036