ირაკლი კობახიძე: გვაქვს საფუძველი, საპრეზიდენტო არჩევნები პირველივე ტურში მოვიგოთ

ირაკლი კობახიძე: გვაქვს საფუძველი, საპრეზიდენტო არჩევნები პირველივე ტურში მოვიგოთ

„არც ერთი სცენარით ჩვენ არ გვემუქრება არჩევნების წაგება. პირიქით, ქართულ ოცნებას აქვს ყველანაირი საფუძველი იმისათვის, რომ პირველივე ტურში მოიგოს საპრეზიდენტო არჩევნები. ჩვენ ჩვენს პროგნოზებში არ ვცდებით ხოლმე, ასე მოხდა 2016 წელს, ასე მოხდა 2017 წელს, მათ შორის, როცა საქმე ეხებოდა თბილისის მერის არჩევნებს და ჩვენ ამ პროგნოზში არ შევცდებით არც ახლა“,- განაცხადა საქართველოს პარლამენტის თავმჯდომარემ, ირაკლი კობახიძემ ჟურნალისტებთან საუბრისას.

ჟურნალისტის კითხვის პასუხად 2018 წლის საპრეზიდენტო არჩევნებში საქართველოს პრეზიდენტის გიორგი მარგველაშვილი ოპოზიციის საერთო კანდიდატად შესაძლო დასახელებასთან დაკავშირებით, ირაკლი კობახიძემ აღნიშნა, რომ ეს არის „ნაციონალური მოძრაობის“ სცენარი.

„ეს არის „ნაციონალური მოძრაობის“ სასურველი სცენარი. მათ სურთ გიორგი მარგველაშვილის წარმოდგენა საკუთარ კანდიდატად, ოღონდ, ბუნებრივია ამას შეფუთვა სჭირდება და უნდათ ეს ყველაფერი გააფორმონ, როგორც ერთიანი ოპოზიციური კანდიდატი. ამ სცენარზე მიდის მუშაობა. ეს ვერც დამალეს, თვითონ მიხეილ სააკაშვილმა გააკეთა შესაბამისი განცხადებები. ამ განცხადებას მოჰყვა, ასევე გიორგი მარგველაშვილის შესაბამისი განცხადება. ეს არის მარტივი სცენარი“,-აღნიშნა პარლამენტის თავმჯდომარემ.

ირაკლი კობახიძის განცხადებით, „ქართულ ოცნებაში“ საპრეზიდენტო კანდიდატთან დაკავშირებით ერთგვარი წინასწარი კონსულტაციები დაწყებულია.

„ერთგვარი წინასწარი კონსულტაციები დაწყებულია ჩვენს გუნდში საპრეზიდენტო კანდიდატთან დაკავშირებით, თუმცა ჯერ რაღაცა მონახაზები, გამოკვეთილი კანდიდატები არ არსებობს. უნდა გაგრძელდეს კონსულტაციები და ამის საფუძველზე ჩვენ აუცილებლად დავასახელებთ საპრეზიდენტო კანდიდატს. როგორც კი რაიმე პროგრესი გვექნება, მაშინვე გაცნობებთ ამის შესახებ“,-აღნიშნა პარლამენტის თავმჯდომარემ.

 

კვიციანი:პოლიტპატიმართა სიიდან გიორგაძის მოთხოვნით ამომიღეს, მან ამისთვის ხაბურძანია გამოგზავნა

კვიციანი:პოლიტპატიმართა სიიდან გიორგაძის მოთხოვნით ამომიღეს, მან ამისთვის ხაბურძანია გამოგზავნა

12 საათის წინ

"რუსებს არ უნდოდათ ჩემი წამოსვლა და ქართველებს არ უნდოდათ ჩემი მიღება. რუსებს იმიტომ არ უნდოდათ ჩემი წამოსვლა, რომ თავიანთ აგენტურას ძალიან ბევრს გავშიფრავდი და ბევრიც გავშიფრე. რომ არ არიან პოლიტიკურ ველზე, ვერ უყურებთ?!" - ასე იხსენებს...

USD 2.4402
EUR 3.0017
GBP 3.4343
TRY 0.6036