გურჯაანში, ვეჯინისა და კოლაგის წმინდა გიორგის სახელობის ეკლესიებს რეაბილიტაცია ჩაუტარდება

გურჯაანში, ვეჯინისა და კოლაგის წმინდა გიორგის სახელობის ეკლესიებს რეაბილიტაცია ჩაუტარდება

გურჯაანის მუნიციპალიტეტში რამდენიმე კულტურული მემკვიდრეობის ძეგლს რეაბილიტაცია ჩაუტარდება, მათ შორის ვეჯინში მდებარე წმინდა გიორგის სახელობის ეკლესიას, რომელიც შუა საუკუნეებით თარიღდება, ასევე კოლაგის მოქმედ ეკლესიას, რომელიც მეცხრამეტე საუკუნით არის დათარიღებული. - ინფორმაცია "აიპრესს" გურჯაანის მუნიციპალიტეტის მერიაში დაუდასტურეს.

“ვეჯინის ეკლესიის ბაზილიკა მძიმე მდგომარეობაშია, ფაქტობრივად განადგურების პირასაა. ჭერი ჩამონგრეულია და კედლებიც დაზიანებულია. რეაბილიტაციის თანხა ფონდმა „ქართუმ“ გამოყო, სამუშაოები მაისის თვიდან დაიწყება და ტაძარი პირვანდელი სახით აღდგება. კოლაგის ეკლესია მეცხრამეტე საუკუნეშია აგებული, ჭერი დაზიანებულია და სასწრაფო მიხედვას საჭიროებს. ეკლესია მოქმედია და ამიტომ მნიშვნელოვანია მისი რეაბილიტაცია არა მხოლოდ ძეგლის გადარჩენის, არამედ მრევლის უსაფრთხოების მიზნითაც. ასევე, სოფელ კალაურში, ნათლისმცემლის ეკლესიის მახლობლად მდებარე სატრაპეზოს ანუ სასახლის რესტავრაცია მოხდება. თაღოვანი ნაგებობაა, რომელიც მეცხრე საუკუნით თარიღდება. პროექტის სამუშაოების შესადგენად გამოცხადებულია ტენდერი, მომავალ წელს კი რეაბილიტაცია განხორციელდება.“ - განაცხადა ,,აიპრესთან,, საუბრისას გურჯაანის მუნიციპალიტეტის მერიის ინფრასტრუქტურის, სივრცითი მოწყობის, არქიტეტურისა და ძეგლთა დაცვის განყოფილების უფროსმა სპეციალისტმა, თამაზ მარკოზაშვილმა.

ხაიშში სხვანეთის მოსახლეობა აქციის "არა ჰესებს" გამართვას გეგმავს

ხაიშში სხვანეთის მოსახლეობა აქციის "არა ჰესებს" გამართვას გეგმავს

44 წუთის წინ

ისინი ჭუბერში დაგეგმილ აქციაზე "არა ჰესებს" მონაწილეობის მიღებას აპირებდნენ.  მათი თქმით, შესაძლოა დაანონსებული აქციის ადგილი შეიცვალოს, მიზეზად კი, თავად მოსახლეობაში არსებულ განხეთქილებას ასახელებენ.  როგორც ადგილობრივები...

USD 2.4402
EUR 3.0017
GBP 3.4343
TRY 0.6036