მაკკეინი: მას მერე, რაც ტრამპმა პუტინს გამარჯვება მიულოცა, არ შეიძლება ლიდერად მიიჩნეოდეს

მაკკეინი: მას მერე, რაც ტრამპმა პუტინს გამარჯვება მიულოცა, არ შეიძლება ლიდერად მიიჩნეოდეს

"აშშ-ის პრეზიდენტი დონალდ ტრამპი არ შეიძლება თავისუფალი მსოფლიოს ლიდერად მიიჩნეოდეს მას მერე, რაც მან რუსეთის პრეზიდენტ ვლადიმერ პუტინს ყალბ არჩევნებში გამარჯვება მიულოცა", - ამის შესახებ რესპუბლიკური პარტიის წარმომადგენელმა სენატორმა ჯონ მაკკეინმა განაცხადა.

"ამერიკელი პრეზიდენტი არ შეიძლება თავისუფალი მსოფლიოს ლიდერად მიიჩნეოდეს, თუ იგი ყალბ არჩევნებში დიქტატორს გამარჯვებას მიულოცავს. ამავდროულად, ამ მილოცვით ტრამპი შეურაცხყოფას აყენებს რუსეთის იმ თითოეულ მოქალაქეს, რომელსაც უარი უთხრეს ქვეყნის მომავლის განსაზღვრისთვის სამართლიანი და თავისუფალი არჩევანის გაკეთებაში, მათ შორის იმ რუს პატრიოტებს, რომლებიც ძალიან რისკავდნენ, როდესაც პუტინის რეჟიმს აპროტესტებდნენ და ეწინააღმდეგებოდნენ მას", - განაცხადა სენატორმა.

ტრამპმა ვლადიმერ პუტინს არჩევნებში გამარჯვება 20 მარტს მიულოცა. მოგვიანებით ცნობილი გახდა, რომ აშშ-ის პრეზიდენტი უახლოეს მომავალში შესაძლოა პუტინს შეხვდეს.

რუსეთის საპრეზიდენტო არჩევნების დასრულების შემდეგ, პუტინს გამარჯვება მიულოცეს სომხეთის, აზერბაიჯანის, ბელარუსის, ვენესუელის, გერმანიის, ყაზახეთის. ყირგიზეთის, ჩინეთის, კუბის, მოლდოვის, სირიის, ტაჯიკეთის, თურქმენეთის, უზბეკეთის, დეფაქტო სამხრეთ ოსეთის, ჩრდილოეთ კორეისა და აშშ-ის ლიდერებმა. პოლონეთისა და ლიტვის პრეზიდენტებმა კი მილოცვაზე უარი საჯაროდ თქვეს.

მონტენეგროს პრეზიდენტი რუსეთთან ურთიერთობების დარეგულირებას გეგმავს

მონტენეგროს პრეზიდენტი რუსეთთან ურთიერთობების დარეგულირებას გეგმავს

24 წუთის წინ

მან სინანული გამოთქვა, რომ ორ ქვეყანას შორის ურთიერთობა ბოლო წლებში გაუარესდა. "ეს იმის გამოა, რომ მონტენეგრომ 12 წლის წინ დამოუკიდებლობის აღდგენის შემდეგ, რომელშიც რუსეთის ხელმძღვანელობამ დიდი წვლილი შეიტანა, სტრატეგიული არჩევანი ნატო-სა...

USD 2.4402
EUR 3.0017
GBP 3.4343
TRY 0.6036