ზუგდიდში

ზუგდიდში "მარშუტკის" მძოლები ახალი მინისადგურის მოწყობას აპროტესტებენ

ზუგდიდში რკინიგზის მიმდებარედ მომუშავე საქალაქთაშორისო ტრანსპორტის მძღოლები სავაჭრო ცენტრ „ალიანსთან“ შეიკრიბნენ. ისინი აღნიშნულ ტერიტორიაზე მინისადგურის „ექსპრეს 777“-ის მოწყობას აპროტესტებენ და ამბობენ, რომ მსგავსი სადგურების სიმრავლე მათ მუშაობაში ხელს უშლის.

მათივე თქმით, აქ სადგურის მოწყობა დაუშვებელია, რადგან ის ტროტუარზეა განთავსებული. მძღოლები ადმინისტრაციის წარმომადგენლებს შეხვდნენ, რის შემდეგაც მათ აქციის გადადების გადაწყვეტილება მიიღეს.

„პოლიციელებმა გვთხოვეს, რომ დღეს დავშლილიყავით. ვითხოვთ, რომ ამ ადგილზერ არ იყოს სადგური, რადგან ეს არის უკანონო გადაწყვეტილება. თუ ჩვენს მოთხოვნებს არ დააკმაყოფილებენ, აქციებს განვაგრძობთ“, - ამბობენ მძღოლები.

ისინი სადგურების მოწყობის ლობირებაში მერიის სატრანსპორტო განყოფილების წარმომადგენელს დავით ხუბუას ადანაშაულებენ. თავის მხრივ, ხუბუა ამბობს, რომ მერიას ამ ტერიტოირაზე სადგურის მოსაწყობად ნებართვა არ გაუცია და ეს მათ კომპეტენციას სცილდება.

„საქალაქთაშორისო ტრანსპორტის სადგურის მოწყობა ჩვენ არ გვეხება. ეს საავტომობილო გზების დეპარტამენტის საქმეა და შეგიძლიათ მათთან გაარკვიოთ, რა ნებართვა გასცეს და აქვთ თუ არა ამ ტერიტორიაზე მუშაობის უფლება“, - აღნიშნა ხუბუამ. ამ დროისთვის მძღოლებმა მუშაობა განაახლეს, თუმცა ხვალიდან პერმანენულ აქციებს აანონსებენ.

"თბილისის პარკინგმა" დღეიდან "სიტი პარკი" ჩაანაცვლა

10 აპრილი, 2018

თბილისის მერმა კახა კალაძემ ცაბაძის ქუჩაზე „თბილისის პარკინგის“ ახალი ცენტრალურ ოფისი სატრანსპორტო კომპანიის დირექტორთან, მამუკა კობახიძესთან ერთად დაათვალიერა. კახა კალაძის განცხადებით, დღეიდან დედაქალაქის პარკირების სისტემის...

USD 2.4787
EUR 3.0243
GBP 3.4568
TRY 0.6085