წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

წნორში სოციალურმა საწარმომ სიყვარულის დღესთან დაკავშირებით მოხუც წყვილებს უმასპინძლა

  • iRegions.Ge
  • 14 თებერვალი, 2018
  • 20:02
  • ადმინისტრატორი

სიღნაღის მუნიციპალიტეტში, ქალაქ წნორში მდებარე სოციალურმა საწარმომ „ცოდნის კაფე“ სიყვარულის დღესთან დაკავშირებით მოხუც წყვილებს უმასპინძლა.

„ცოდნის კაფეს“ წარმომადგენლებმა ხუთი მოხუცი წყვილი წნორიდან, ასევე სოფლებიდან ვაქირიდან და ქვემო მაჩხაანიდან კაფეში მიიწვიეს, სადაც მათ რომანტიული გარემო და ვალენტინობისთვის მომზადებული ვახშამი დახვდათ. 

სტუმრებმა შეკრებილ საზოგადოებასთან საკუთარი სიყვარულის ისტორიებზე ისაუბრეს და დიდ ეკრანზე მათი ახალგაზრდობის ფოტოებით აწყობილი სლაიდშოუც იხილეს. ერთ-ერთ სტუმარს, გოგია ძამიაშვილს, რომელსაც დღეს 81 წელი შეუსრულდა „ცოდნის კაფეში“ დაბადების დღეც აღუნიშნეს და საჩუქრები გადასცეს. 

„ხანდაზმული ადამიანები ძირითადად სულ სახლში არიან, ჩვენი დღევანდელი აქტივობა მათი სახლიდან გამოყვანის და რესოციალიზაციის ხელშეწყობა იყო. იმის შეხსენებაა, რომ გვახსოვს და საზოგადოების მნიშვნელოვანი წევრები არიან“ - აღნიშნა „ცოდნის კაფეს“ ერთ-ერთმა დამფუძნებელმა ნანა ბაგალიშვილმა.

მედიკამენტების ხარისხის უზრუნველყოფის მიზნით საქართველოში GMP სტანდარტი ინერგება

მედიკამენტების ხარისხის უზრუნველყოფის მიზნით საქართველოში GMP სტანდარტი ინერგება

16 საათის წინ

საქართველოს შრომის, ჯანმრთელობისა და სოციალური დაცვის სამინისტრო ქვეყანაში წარმოებული და იმპორტირებული მედიკამენტების  ხარისხის უზრუნველყოფის მიზნით, იწყებს GMP (კარგი საწარმოო პრაქტიკის) და GDP (კარგი დისტრიბუციის პრაქტიკის) სტანდარტის...

USD2.4671
EUR3.0375
GBP3.4475
TRY0.6517