დაუბრუნდება "ზესტაფონი" ქართულ ფეხბურთს - აღმასკომი პასუხს ხვალ იტყვის

დაუბრუნდება "ზესტაფონი" ქართულ ფეხბურთს - აღმასკომი პასუხს ხვალ იტყვის

  • სპორტი
  • 13 თებერვალი, 2018
  • 14:18
  • მაგდა კლდიაშვილი

როგორც "აიპრესისთვის" გახდა ცნობილი, ხვალ, დილით, 11 საათზე, საქართველოს ფეხბურთის ფედერაციის აღმასკომი შეიკრიბება და საფეხბურთო კლუბ "ზესტაფონს" საბოლოო პასუხს ეტყვის, დაბრუნდება თუ არა იმერული კლუბი ქართულ ფეხბურთში. 

რამდენიმე დღის წინ, "ზესტაფონმა" სფფ-ს წერილი მისწერა, სადაც ითხოვდა, რომ რეგიონალ ლიგაში, გამონაკლისის წესით დაეშვა გუნდი, რადგან იქ "ლოკომოტივი 2'-მა უარი განაცხადა მონაწილეობაზე და 40 გუნდის ნაცვლად, ახლა 39 კლუბია რეგისტრირებული.

"აიპრესის" ინფორმაციითვე, ამ დრომდე, სფფ-ს "ზესტაფონისთვის" პასუხი არ დაუბრუნებია და არც აღმასკომის სხდომის ჩანიშვნის შესახებ მიუწოდებიათ ინფორმაცია, შესაბამისად, იმერული კლუბის წარმომადგენელი ამ შეხვედრას არ დაესწრება.

ბოლო აღმასკომის სხდომაზე, სადაც "ზესტაფონის" ეროვნულ ლიგა 2-ში დაბრუნების საკითხი უნდა განეხილათ, გუნდის მფლობელი, ილია კოკაია არ გამოცხადდა, იურისტი კი სხდომაზე არ დაუშვეს, შესაბამისად, არც საკითხი განხილულა.

მოგვიანებით, სფფ-ს პრეზიდენტმა, ლევან კობიაშვილმა ილია კოკაია ღიად დაადანაშაულა, რომ მას არ სურს ქართულ ფეხბურთში დაბრუნება, ილია კოკაიამ კი კობიაშვილს ღია ეთერით უპასუხა და განმარტა, რომ არსებულ სიტუაციაში და რეალობაში, მას მართლაც არ სურს ქართულ ფეხბურთში დაბრუნება.

ეროვნული საფეხბურთო ლიგა 1: ტურის ცენტრალური მატჩი "მიხეილ მესხზეა"

ეროვნული საფეხბურთო ლიგა 1: ტურის ცენტრალური მატჩი "მიხეილ მესხზეა"

1 საათის წინ

ეროვნული ტურის შეხვედრები სამ დღეზე იქნება გადანაწილებული და 22 აპრილს დასრულდება. ფოთელებისა და თბილისელების დაპირისპირებას პრინციპული ხასიათი აქვს. ლაშა ჭაღიაშვილის გუნდს მხოლოდ ერთი მოგება აქვს მიმდინარე სეზონში, 4 ქულა აქვს მეტოქის...

USD 2.4277
EUR 3.0028
GBP 3.4490
TRY 0.5917