კახა კალაძე წიგნის - "თბილისის ქანდაკება - პოეზია ქვაში" პრეზენტაციას დაესწრო

კახა კალაძე წიგნის - "თბილისის ქანდაკება - პოეზია ქვაში" პრეზენტაციას დაესწრო

თბილისის საკრებულოში წიგნის - „თბილისის ქანდაკება - პოეზია ქვაში“ პრეზენტაცია გაიმართა. ღონისძიებას დედაქალაქის მერი კახა კალაძე დაესწრო. წიგნი საქართველოს სახელმწიფო პრემიის ლაურეატის, ბადრი ქუთათელაძის ავტორობითა და თბილისის მერიის მუნიციპალიტეტის ხელშეწყობით გამოიცა.

დედაქალაქის მერმა გამოცემის ავტორს წარმატება უსურვა და აღნიშნა, რომ წიგნი ყველა იმ ძეგლს ასახავს, რომელიც დედაქალაქშია განთავსებული.

„დღეს აქ შეკრებილი იყო კულტურის, ხელოვნების წარმომადგენლები - ადამიანები, რომლებმაც ძალიან ბევრი გააკეთეს და დღესაც აკეთებენ ჩვენი ქვეყნისთვის, ჩვენი ქალაქისთვის. შემთხვევითი არ არის, რომ თბილისის მერიამ ერთ-ერთ მთავარ პრიორიტეტად სწორედ კულტურისა და ხელოვნების მიმართულება აირჩია. ყველაფერი უნდა გავაკეთოთ იმისთვის, რომ ჩვენს შვილებს, მომავალ თაობას სიღრმისეულად და ვრცლად მივაწოდოთ ჩვენი კულტურის მრავალფეროვნების შესახებ. ეს არის ის, რაზეც ჩვენი ქვეყანა საუკუნეებია დგას და რომლითაც თითოეული ჩვენგანი ამაყობს“, - განაცხადა კახა კალაძემ.

430-გვერდიან გამოცემაში დედაქალაქში განთავსებული ყველა ძეგლი, ქანდაკება და მონუმენტია შესული.
 

მედიკამენტების ხარისხის უზრუნველყოფის მიზნით საქართველოში GMP სტანდარტი ინერგება

მედიკამენტების ხარისხის უზრუნველყოფის მიზნით საქართველოში GMP სტანდარტი ინერგება

16 საათის წინ

საქართველოს შრომის, ჯანმრთელობისა და სოციალური დაცვის სამინისტრო ქვეყანაში წარმოებული და იმპორტირებული მედიკამენტების  ხარისხის უზრუნველყოფის მიზნით, იწყებს GMP (კარგი საწარმოო პრაქტიკის) და GDP (კარგი დისტრიბუციის პრაქტიკის) სტანდარტის...

USD2.4671
EUR3.0375
GBP3.4475
TRY0.6517